ქართული წიგნის ეროვნული ცენტრის დაფინანსებით ქართულ ენაზე ითარგმნა და გამოიცა ცნობილი ბელარუსი რუსულენოვანი მწერლის სვეტლანა ალექსიევიჩის რომანი „ჩერნობილის ლოცვა“ და პირველი ბერძენი ნობელიანტის, ლიტერატურის დარგში, გიორგოს სეფერისის ლექსების კრებული „შემობრუნება“.

თორმეტი მთარგმნელი გერმანიაში მხატვრული პროზის ლიტერატურულ მთარგმნელობით სემინარში მიიღებს მონაწილეობას. ქართული წიგნის ეროვნული ცენტრის ინიციატივით, ევროპის მთარგმნელთა კოლეგიასთან, გერმანიის მთარგმნელთა ფონდთან, რობერტ ბოშის ფონდთან, გერმანიის საგარეო საქმეთა სამინისტროსთან, ხელოვნების ფონდ NRW-სა და თბილისის გოეთეს ინსტიტუტთან თანამშრომლობით სემინარები გერმანიის ქალაქ შტრალენში 16 ნოემბრიდან 22 ნოემბრის ჩათვლით გაიმართება.

ქართული წიგნის ეროვნული ცენტრის მოწვევით თბილისში ვიზიტით მყოფი წამყვანი ევროპული ბეჭდური მედიის ლიტერატურის კრიტიკოსები და ჟურნალისტები ქართველ კოლეგებს შეხვდნენ. უმსხვილესი ევროპული გამოცემების The Independent, Süddeutsche Zeitung, Die Zeit და Tageszeitung წარმომადგენლების ქართველ მწერლებთან, ჟურნალისტებთან, ლიტერატურის კრიტიკოსებთან და ბლოგერებთან შეხვედრას თიბისი გალერეამ უმასპინძლა.