ქართული წიგნის ეროვნული ცენტრის ინიციატივითა და შტრალენის ევროპის მთარგმნელთა კოლეგიის ორგანიზებით მიმდინარე წლის 16-22 ნოემბრის განმავლობაში გერმანიაში, ქალაქ შტრალენის ევროპის მთარგმნელთა კოლეგია მხატვრული ლიტერატურის გერმანელი და ქართველი მთარგმნელებისათვის მთარგმნელობითი სემინარს მასპინძლობს.

რეგიონის საგამომცემლო სფეროს 25 წარმომადგენლისთვის კვალიფიკაციის ასამაღლებელი სემინარები ქართული წიგნის ეროვნული ცენტრის, კულტურის სამინისტროს, ფრანკფურტის წიგნის ბაზრობისა და საქართველოში გოეთეს ინსტიტუტის ერთობლივი პროექტის ფარგლებში ხორციელდება.

ქართული წიგნის ეროვნული ცენტრის მხარდაჭერით ქართულ ენაზე ითარგმნა და გამოიცა ამერიკელი მწერლის კურტ ვონეგუტის ცნობილი რომანი „სასაკლაო 5“, მთარგმნელი ქეთი ქანთარია; იტალიელი კინორეჟისორის, მწერლისა და პოეტის პიერ პაოლო პაზოლინის რომანი „ქუჩის ბიჭები“, მთარგმნელი ხათუნა ცხადაძე და ბრიტანელი მწერლის ჯულიან ბარნსის რომანი „ინგლისი, ინგლისი“, მთარგმნელები ზაზა ჭილაძე და გია ჭუმბურიძე.