ქართული წიგნის ეროვნული ცენტრის ინიციატივით 2018 წლის ფრანკფურტის წიგნის ბაზრობის საპატიო სტუმარი ქვეყანა - საქართველო 2017 და 2019 წლების საპატიო სტუმარი ქვეყნების - საფრანგეთისა და ნორვეგიის - მწერლებს უმასპინძლებს. პროექტი, ქართული წიგნის ეროვნული ცენტრისა და ბაკურ სულაკაურის გამომცემლობის ერთობლივი თანამშრომლობითა და საქართველოს კულტურისა და სპორტის სამინისტროს და NORLA ნორვეგიული ლიტერატურა საზღვარგარეთ მხარდაჭერით ფრანკფურტის წიგნის ბაზრობის ისტორიაში წელს პირველად განხორციელდება.

საერთაშორისო კონკურსის - მსოფლიო ილუსტრაციის პრემია 2018-ის ერთერთი თემატური საკონკურსო კატეგორია 2018 წელს ფრანკფურტის წიგნის ბაზრობაზე საქართველოს საპატიო სტუმარი ქვეყნის სლოგანს Georgia Made by Characters ეძღვნება.

15 მარტს 2018 წლის ლაიფციგის წიგნის ბაზრობა ოფიციალურად გაიხსნება. გახსნის ცერემონიალს 2018 წელს ფრანკფურტის წიგნის ბაზრობაზე საქართველოს საპატიო სტუმარი ქვეყნის პროექტის ხელმძღვანელი, საქართველოს კულტურისა და სპორტის მინისტრი მიხეილ გიორგაძე, ქართული წიგნის ეროვნული ცენტრის დირექტორი მედეა მეტრეველი, ქართველი მწერლები და გამომცემლები დაესწრებიან.