საზღვარგარეთ ქართული ლიტერატურის პოპულარიზაციის მიზნით 2015 წლის გაზაფხულზე დაგეგმილ ღონისძიებებზე, სიახლეებსა და წიგნის საერთაშორისო ბაზრობებზე საქართველოს მონაწილეობასთან დაკავშირებით, საქართველოს კულტურისა და ძეგლთა დაცვის მინისტრმა, მიხეილ გიორგაძემ და ქართული წიგნის ეროვნული ცენტრის დირექტორმა, მედეა მეტრეველმა, დღეს გამართულ პრეზენტაციაზე ისაუბრეს.

ქართული წიგნის ეროვნული ცენტრის მიერ ქართული ლიტერატურის გერმანულ და ინგლისურ ენებზე თარგმნის მიზნით გამომცემლებისთვის, მთარგმნელებისა და ლიტერატურის აგენტებისთვის გამოცხადებულ მთარგმნელობითი პროგრამის „საცდელი თარგმანები“ ფარგლებში გამოვლინდა 21 გამარჯვებული პროექტი: ინგლისურ ენაზე - 7 საცდელი თარგმანი (ექსპერტი: დონალდ რეიფილდი), ხოლო გერმანულ ენაზე - 14 საცდელი თარგმანი (ექსპერტი: ალექსანდრე კარტოზია).

ქართული წიგნის ეროვნული ცენტრის მიერ ქართველი გამომცემლებისთვის გამოცხადებულ მთარგმნელობითი პროგრამის „უცხოური ლიტერატურა ქართულ თარგმანებში“ ფარგლებში გამოვლინდა 18 გამარჯვებული პროექტი: